Sulmi më i rëndë në 60 vite, peshkaqeni 15 metër vret notarin në Sydney

Një notar ka mbetur i vdekur në një sulm nga një peshkaqen në një plazh në Sydney, duke regjistruar vdekjen e parë në një sulm nga peshkaqeni në 60 vjet.

Shërbimet e urgjencës u thirrën rreth orës 16:35 në Little Bay Beach, në lindje të Sydneit, ku policia dhe shpëtimtarët gjetën mbetje njerëzore në ujë.

Dëshmitarët e tmerruar thanë se peshkaqeni i bardhë ishte afërsisht 15 metra i gjatë dhe "shkatërroi" viktimën e paidentifikuar, duke e kthyer ujin përreth në ngjyrë të kuqe.

Një zëdhënëse e Ambulancës së Uellsit të Ri Jugor tha: "Për fat të keq, ky person kishte pësuar lëndime katastrofike dhe nuk mund të bënim aësgjë”.

Peshkatari Kris Linto i tha Nine News se peshkaqeni "sulmoi [ viktimën ] vertikalisht" duke shtuar se ai "dëgjoi një britmë dhe më pas u kthye dhe pa se spërkat e ujit u përhapën sikur një makinë ra në det.”.

Një dëshmitar që foli për ABC tha se sulmi zgjati disa sekonda pasi notari u tërhoq nga peshkaqeni.

"Ai bërtiste në fillim, dhe më pas kur u tërhoq kishte kaq shumë bulëza," thanë ata.

Sulmi i fundit fatal i peshkaqenit në Sydney ndodhi në vitin 1963 sipas bazës së të dhënave Australian Shark Incident Taronga , i cili vrau aktoren 32-vjeçare Marcia Hathaway .

Kryetari i këshillit të Randwick, Dylan Parker, i tha Guardian se komuniteti "është i tronditur nga ky incident i tmerrshëm".

Departamenti i Industrive Primare të NSË-së do të punojë me policinë për të hetuar rrethanat rreth vdekjes dhe raporti do të përgatitet për mjekun ligjor.

Një zëdhënës nga departamenti i shprehu ngushëllimet familjes së viktimës dhe tha: “DPI do të vazhdojë të punojë me Policinë e NSW dhe Surf Life Saving NSË për të monitoruar zonën dhe për të ofruar çdo këshillë dhe burime teknike nëse kërkohet, duke përfshirë vendosjen e baterive SMART në zonë. ”

Përveç plazhit të Little Bay, disa plazhe të tjera të Sydneit do të mbyllen të enjten, ndërsa policia vazhdon të kontrollojë zonën.