Komisioni Evropian ka dhënë rekomandim pozitiv për liberalizimin e vizave për Kosovën.
Faqja e zyrtare e Komisionit Evropian në "Twitter" duke uruar Kosovën për rekomandimin pozitiv, ka shkruar se kësaj të fundit i janë shpaguar përpjekjet dhe puna e madhe për përmbushjen e kritereve për liberalizmin e vizave.
“Përpjekjet e Kosovës dhe puna e madhe për liberalizmin janë shpaguar. Sot mund të konfirmojmë që Kosova ka përmbushur të gjitha kriteret e kërkuara. Ne tani e inkurajojmë Këshillin e Evropës dhe Parlamentin Evropian që pas propozimit tonë, kjo punë të ecë përpara”, shkruan faqja zyrtare e Komisionit Evropian.
Në konferencën për media, komisioneri i BE-për për Migrim, Çështje të Brendshme dhe Shtetësi, Dimitris Avramopoulos, ka thënë se Kosova i ka plotësuar të gjitha kriteret për liberalizimin e vizave.
“Mund të konfirmojmë se Kosova ka përmbushur kriteret për liberalizimin e vizave. Mund të themi se është bërë një punë e madhe në këtë drejtim. Më lejoni të uroj autoritetet në Kosovë për punën e bërë drejt liberalizimi”, ka thënë Avramopoulos.
Ndërsa presidenti i Kosovës Hashim Thaçi i cili ishte në krahë të Avramopoulos në konferencën për media ku Kosova mori rekomandimi pozitiv për vizat nga KE-ja, tha se këtë vendim e merituan dhe se kjo nuk ishte një dhuratë. Presidenti shtoi se ky vendim përbën një moment historik dhe vjen si rrjedhojë e përpjekjeve shumëvjeçare.
Ai tha se këto kilometra kanë qenë të gjatë dhe të rëndë për thotë se është i lumtur se së bashku kanë arritur në një cak dhe jam i bindur tha Thaçi se shpejt do të vijmë te momenti kur të marrim vizat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
