Ditën e sotme është përcjellë në banesën e fundit Xhevdet Ferri, aktori i mirënjohur shqiptar. Të pranishëm në ceremoninë e varrimit kanë qenë familjarë, figura të artit e kulturës, dhe miq të aktorit të ndjerë.
Arti dhe kultura u tronditën nga kjo humbje, ndërkohë dhimbja përfshiu gjithë adhuruesit e artit të tij, për shkak se kishte luajtur shumë role të dashura për publikun.
Aktori i mirënjohur shqiptar Xhevdet Ferri, vuante prej kohësh nga një sëmundje e pashërueshme, e cila i mori edhe jetën, pikërisht në moshën 59- vjeçare.
I njohur për 30 role në filmin shqiptar dhe një personalitet i lartë i artit, publiku e pa Xhevdet Ferrin në kinema për herë të fundit në filmin “Delegacioni”.
Aktori i njohur i filmave mësohet se prej kohësh vuante nga një sëmundje tumorale dhe ditët e fundit ishte i shtruar në reanimacion, por pa mundur t’ja dalë.
Xhevdet Ferri i njohur në rrethim e miqve të ngushtë dhe si Xhoda, u varros sot me nderime mes miqsh e familjarësh në varrezat e Sharrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
