Një qytetar kanadez ka humbur apelin e tij kundër dënimit me vdekje në Kinë për kontrabandë droge.
Gjykata tha se la në fuqi dënimin e Robert Lloyd Schellenberg sepse provat kundër tij ishin "të mjaftueshme".
Schellenberg fillimisht u dënua me 15 vjet burg, por në vitin 2019 Gjykata e Apelit tha se kjo ishte një masë shumë e butë, duke çuar në rigjykim dhe duke dhënë dënim me vdekje.
Vendimi vjen pasi marrëdhëniet midis Kanadasë dhe Kinës mbeten të trazuara.
Ambasadori kanadez në Kinë, Dominic Barton, dënoi vendimin e gjykatës kineze, duke thënë se "nuk ishte rastësi" që vendimi u dha ndërsa një betejë ekstradimi për ekzekutivin e lartë të Huawei Meng Wanzhou ishte duke vazhduar në Kanada.
Meng, vajza e themeluesit të kompanisë kineze të telekomit, aktualisht e ka të ndaluar të vizitojë Kanadanë.
Kujtojmë se Schellenberg u arrestua në vitin 2014 dhe u akuzua për kontrabandim të 227 kg metamfetaminë nga Kina në Australi.
Ai mohon akuzat dhe tha se shkoi në Kinë si turist.
Në nëntor të 2018, ai u dënua me 15 vjet burg.
Por disa ditë më vonë, Kanadaja arrestoi Meng Wanzhou, një ekzekutiv të lartë në gjigantin kinez të teknologjisë Huawei, me një urdhër ekstradimi nga SHBA.
Schellenberg më vonë apeloi kundër dënimit me 15 vjet burg, por në vend që ta ulnin dënimin, gjykatësit vendosën që dënimi i tij i mëparshëm ishte shumë i lehtë dhe në vend të kësaj e dënuan me vdekje.
Në seancën e tij, gjyqtarët thanë se provat vërtetuan se ai ishte i përfshirë në kontrabandën ndërkombëtare të drogës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
