Është gjetur gomonia e vjedhur mbrëmjen e djeshme në Himarë. Policia bën me dije se pas kontrolleve të saj dhe banorëve të zonës edhe vet familjarëve është bërë e mundur gjetja e mjetit lundrues (gomone), e fshehur në pyll midis pishave në Qafën e Llogarasë.
Policia e Himarës pas konstatimit se ditën e djeshme në fshatin Iljaz, Himarë në banesën e shtetasit LL.N., ishte vjedhur një mjet lundrues tip gomone në pronësi të shtetasit J.N., kanë filluar menjëherë kryerjen e veprimeve hetimore për zbardhjen e kësaj ngjarje.
Si rezultat i kontrollit të territorit për gjetjen e mjetit prej Strukturave Policore, banorëve të zonës edhe vet familjarëve është bërë e mundur gjetja e mjetit lundrues (gomone), e fshehur në pyll midis pishave në Qafën e Llogarasë.
Ndërkohë po vijon puna prej Policisë për dokumentimin ligjor të autorëve të kësaj vepre penale dhe kapjen e ndalimin e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
