Mbështetësit dhe të afërmit e aktivistit të burgosur kundër Kremlinit, Vladimir Kara-Murza janë të shqetësuar për gjendjen e tij, pasi iu është mohuar takimi me të për një javë.
“Ne nuk dimë asgjë për Vladimirin që nga 2 korriku, kur ai u vizitua për herë të fundit nga avokati”, shkroi në X të martën gruaja e tij Evgenia Kara-Murza, duke shtuar se avokatëve të tij iu tha se ishte transferuar në një spital burgu në 4 korrik.
Kara-Murza, një kritik 42-vjeçar i zëshëm i Vladimir Putinit dhe gazetar fitues i çmimit Pulitzer, po vuan një dënim prej 25 vitesh burg për tradhti dhe akuza të tjera në Omsk, një qytet më shumë se 2000 kilometra larg Moskës.
Në momentin e dënimit në prill të vitit të kaluar, mbështetësit e tij argumentuan se burgimi mund t’i kushtonte jetën, pasi politikani vuante nga një gjendje e rëndë nervore pasi u helmua dy herë në mënyrë misterioze.
Që nga vdekja e papritur e liderit të opozitës Alexei Navalny në shkurt, këto frikëra janë shtuar.
“Duke pasur parasysh historikun e autoriteteve ruse të turbullimit dhe deklaratave të rreme, vendndodhja e tij aktuale nuk mund të konstatohet”, tha në një deklaratë Fondacioni Rusia e Lirë, një OJQ, duke e cilësuar refuzimin për të lejuar avokatët e tij ta vizitojnë një shkelje të të drejtave ndërkombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
