Gati 2 milionë njerëz (pothuajse e gjithë popullsia) janë zhvendosur nga lufta në Gaza.
Forcat e Mbrojtjes së Izraelit (IDF) kanë shtuar sulmet në disa pjesë të Rripit të Gazës.
UNRWA, agjencia kryesore e OKB-së për refugjatët palestinezë, bën me dije se 1.9 milionë njerëz në Gaza janë zhvendosur brenda vendit.
Numri i personave të zhvendosur u rrit që kur Izraeli nisi ofensivën e tij në qytetin jugor të Rafahut në maj.
Nga ana tjetër Ministria e Shëndetësisë në Gaza bën me dije se 38,098 njerëz kanë humbur jetën që nga fillimi i luftës me Izraelin pothuajse nëntë muaj më parë.
Të paktën 87 persona janë vrarë në 48 orët e fundit, thuhet në një deklaratë, duke shtuar se 87,705 njerëz janë plagosur në Rripin e Gazës që nga 7 tetori.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
