Grupi finlandez Nokia ka luajtur një rol kyç në sigurimin e spiunazhit kibernetik të Rusisë duke ndërtuar një sistem për të dëgjuar thirrjet telefonike dhe për të përgjuar e-mail.
Një fakt i tillë denoncohet nga një investigim i New York Times. Ndonëse Nokia ka ndërprerë aktivitetet e saj në Rusi për shkak të luftës dhe ka dënuar agresionin ndaj Ukrainës, pajisjet dhe programet kompjuterike mbeten në vend, të furnizuara për më shumë se 5 vjet nga kompania finlandeze.
Shërbimi kombinon mjetin më të fuqishëm të mbikëqyrjes dixhitale të qeverisë, me rrjetin më të madh të telekomunikacionit në vend.
Shërbimi kryesor rus i inteligjencës, FSB, përdor një sistem aktivitetesh operacionale (Sorm) dhe gjurmime për të dëgjuar bisedat telefonike, duke përgjuar mesazhet elektronike dhe me tekst, si dhe të mbajë gjurmët e komunikimeve në internet.
Sorm u përdor gjithashtu për të mbajtur nën kontroll mbështetësit e Alexei Navalny, por dhe vetë liderin e opozitës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
