Presidenti i Ukrainës, Volodymyr Zelensky, vizitoi gjatë së premtes rajonin e Odesës për të ndjekur nga afër operacionet e ngarkimit të grurit për eksport, në kuadër të rifillimit të eksporteve nga portet ukrainase.
Ministri ukrainas i Infrastrukturës Oleksandr Kubrakov u tha gazetarëve në portin jugor të Odesa se 17 anije, të cilat ishin bllokuar në portin e Detit të Zi për pesë muaj, tashmë janë ngarkuar me eksporte gruri dhe një tjetër tani është duke u ngarkuar.
Kubrakov deklaroi se shpreson që anijet e para të mund të largohen nga porti deri në fund të javës.
Një javë më parë u nënshkrua një marrëveshje e ndërmjetësuar nga OKB, çka mundësoi rifillimin e eksporteve pas një bllokimi që çoi në rritjen e çmimeve të ushqimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
