Elona Kaleshi është 36-vjeçarja e arrestuar si e dyshuara kryesore për vrasjen e çiftit Shpëtim dhe Teuta Pasho, të cilët u gjetën të vrarë dhe të copëtuar në 4 valixhe.
Autoritetet italiane ende nuk kanë bërë me dije detajet nga arrestimi i Elonës, por në mediat vendase qarkullojnë një sërë informacionesh në bazë edhe të rrëfimeve që kanë bërë dy vajzat e familjes Pasho.
Elona Kaleshi, 36-vjeçarja nga Durrësi, e akuzuar për vrasjen e çfitit Pasho, asokohe, në 2015-n, prindërit e të fejuarit të saj Taulantit, ka zgjedhur të mos flasë përpara prokurorit të çështjes, duke përdorur të drejtën për të mos dhënë përgjigje.
Në 2 nëntor 2015, kur çifti Pasho humbi kontaktet me familjarët, Elona dhe Taulanti jetonin në një apartament me qira, shumë pranë burgut të Sollicciano-s, ku kishte Taulanti kishte vuajtur dënimin.
Arsyeja e vizitës së tyre në Itali lidhej me lirimin e djalit të tyre nga burgu, por Elona ka mohuar përpara autoriteteve t'i këtë takuar. Ndërkohë nga vajzat e çiftit Pasho, Dorina dhe Vittoria, vjen një tjetër tezë. Sipas tyre, e fundit që i ka takuar në apartamentin e marrë me qira, në 1 nëntor 2015, ka qënë Elona.
Disa ditë pas zhdukjes së tyre dhe denoncimit të bërë, Vittoria dhe Dorina kanë marrë një telefonatë nga një grua e cila thoshte se ishte nëna e tyre, duke i thënë se po largoheshin.
Vajzat mohojnë kategorikisht të ketë qenë zëri i nënës së tyre dhe për më tepër ata nuk kishin arsye pse të largoheshin. Në bisedat më herët të Teutës me vajzat, ajo u kishte thënë se do të përgatiste madje edhe një tortë për të pritur djalin kur të kthehej nga burgu.
Pas zhdukjes së çiftit nga Vlora, apartamenti ku jetonte djali i tyre së bashku me të dashurën e tij, Elonën, është kontrolluar disa herë, por në asnjë moment nuk është gjetur diçka e dyshimtë që mund t'i lidhte ata drejtëpërdrejt me zhdukjen e Shpëtimit dhe Teutës.
Marrëdhënia mes Taulantit dhe Elonës ka vazhduar deri në 2016-ën, kur Taulanti u arratis nga arresti shtëpiak, ndërsa Elona e ka lënë apartamentin në 2018-ën.
Nga hetimet e kryera është vënë re se marrëdhënia e Elonës me prindërit e të dashurit të saj ka qenë e afërt, pasi janë vënë re takime dhe telefonata rutinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
