Koreja e Veriut ka njohur zyrtarisht pavarësinë e dy “republikave popullore” separatiste pro-ruse në Ukrainën lindore, atyre të Donetskut dhe Luhanskut, duke u bërë vendi i tretë në botë që e bën këtë pas Rusisë dhe Sirisë.
Ministrja e Jashtme e Koresë së Veriut Choe Son-hui u dërgoi letra të mërkurën homologëve të saj në Republikën Popullore të Donetsk dhe Republikën Popullore të Luhansk, njoftoi agjencia zyrtare KCNA, duke i informuar për vendimin e Phenianit për të njohur pavarësinë e tyre.
Në letër shprehej “vullneti për të zhvilluar marrëdhëniet shtet me shtet me ato vende në idenë e pavarësisë, paqes dhe miqësisë”.
Gjithashtu të mërkurën, në përgjigje të lëvizjes së Koresë së Veriut të parashikuar nga ambasada e saj në Moskë, Ukraina njoftoi se kishte ndërprerë marrëdhëniet diplomatike me Phenianin, në bazë të kundërshtimit të drejtpërdrejtë mbi njohjen e rajoneve separatiste.
Koreja e Veriut kohëve të fundit deklaroi lidhjet e saj të ngushta me Rusinë, me gjithë dënimin ndërkombëtar për pushtimin e saj në Ukrainë, duke ia atribuar krizën midis Moskës dhe Kievit “politikës hegjemoniste” të Shteteve të Bashkuara të Amerikës dhe Perëndimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
