Vladimir Putin është betuar për një mandat të katërt si presidenti rus dhe premtoi të shfrytëzojë talentin e vendit për të "arritur përparime".
Rreth 5.000 të ftuar morën pjesë në ceremoninë luksoze në një sallë të zbukuruar të Kremlinit.
Ai ka qenë në pushtet për 18 vjet, si president dhe kryeministër, dhe kundërshtarët e kanë krahasuar qëndrimin e tij me sundimin e një cari apo perandori.
TV ruse tregoi Putin, 65 vjeç, duke lënë zyrën e tij të Kremlinit dhe duke ecur në ceremoni, poshtë korridoreve të gjata.
Ai pastaj mori një udhëtim të shkurtër në një limuzinë të re ruse, të quajtur Cortege, në kompleksin e Kremlinit. Më parë ai dhe shoqëruesit e tij kanë përdorur makina të huaja luksoze.
Putin u zotua për t'i shërbyer popullit rus dhe për të mbrojtur sovranitetin rus me dorën e tij mbi kushtetutë, para se të mbante një fjalim të shkurtër.
Duke iu drejtuar turmës në Pallatin e Kremlinit, ai i falënderoi rusët për "mbështetjen e tyre të sinqertë", duke u thënë atyre se 'ne kemi ringjallur krenarinë në atdheun'.
"Ne kemi nevojë për përparime në të gjitha fushat e jetës. Jam thellësisht i bindur se një hap i tillë përpara mund të sigurohet vetëm me një shoqëri të lirë që pranon gjithçka që është e re dhe e përparuar", tha Putin.
Ish-kancelari gjerman Gerhard Schröder, tani në krye të një dege të gazit rus Gazprom, ishte në radhën e parë së bashku me kryeministrin Dmitri Medvedev dhe Patriarkun e Kishës Ortodokse Kirill.
Një tjetër mik i famshëm i Putinit, ylli i Hollivudit dhe shtetasit rus Steven Seagal, qëndronte pranë rreshtit të parë.
Por ajo që ra në sy në këtë betim të shefit të Kremlinit për gjatë vitet e ardhshme ishte edhe limuzina e tij e re presidenciale, e cila është prodhuar në Rusi dhe për herë të parë i është ekspozuar para qytetarëve ditën e sotme.
Veturat e kësaj gjenerate janë pjesë e programit “Cortege”, dhe do të zëvendësojnë veturat gjermane që i kanë përdorur presidentët rusë.
Rusia nuk ka përdorur veturat e tyre për transportimin e zyrtarëve rusë që nga koha e Bashkimit Sovjetik. Për këtë arsye filloi zhvillimi i programit “Cortege”, për të demonstruar të “arriturat” e Rusisë në industrinë e teknologjisë.
Limuzina presidenciale duhet të jetë e anti-plumb, të ketë rrota speciale dhe pajisje tjera që sigurojnë presidentin derisa shëtit me të.
Presidentët Jelcin dhe Medvedev kishin përdorur limuzinat S-Class të Mercedes-Benz, derisa Putin preferonte limuzinën Mercedes-Benz Gard.
Veturën presidenciale zakonisht e shoqërojne motoçikletat dhe dhjetëra vetura tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
