Gazetari Artan Hoxha i ftuar në emisionin “Të Paekspozuarit” në MCN u shpreh se krimi i organizuar e synon kontrollin e lojërave të fatit pasi është një aktivitet që ka para.
Sipas Hoxhës mbyllja e lojërave të fatit tregoi që bota e krimit u revolucionarizua dhe ata gjetën sërish mënyrën për ta kontrolluar atë.
“Krimi i organizuar synon paranë dhe ka për qëllim këtë aktivitet pasi ka para. Kur erdhi e majta ka qenë ky aksion i famshëm që synohej të goditej informaliteti në lojërat e fatit. Fuqia e këtyre ishte kur u vra një nga operatorët në treg, Elvis Doçi u ekzekutua kur i shiti makinetat e veta Ervis Martinajt.
Në momentin kur do të bëhej një ligj për lojërat e fatit, kryeministri i bllokon lojërat e fatit. Gjatë kësaj kohe u provua që bota e krimit sërish e kontrolloi dhe ata filluan të punonin fshehtas dhe sot jemi në fazën kur kalojmë në stadin tjetër.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
