Një person i panjohur ka plagosur një pjesëtar të Xhandarmërisë, i cili po ruante Ambasadën izraelite në Beograd.
Ky njoftim është dhënë nga zëvendëskryeministri serb, njëherësh ministri i Punëve të Brendshme, Ivica Daçiç, i cili shtoj se ky rast po trajtohet si akt terrorist.
Ai tha se ende nuk dihet nëse ky person ka vepruar i vetëm apo ishte pjesë e ndonjë grupi të organizuar, duke shtuar se Zyra e Prokurorit Special ka marrë përsipër hetimet.
Sipas të dhënave nga autoritetet rreth orës 11:00, një person i panjohur, për identitetin e të cili po punohet përmes kryerjes së autopsisë, qëlloi me një hark me shigjeta drejt një anëtari të Xhandarmërisë i cili po ruante Ambasadën e Izraelit, duke e goditur në qafë.
Ky i fundit, ka përdorur armën në vetëmbrojtje, duke qëlluar sulmuesin, i cili vdiq si pasojë e plagëve të marra.
Serbia ka mbajtur raporte të ngushta me Izraelin, shtet që po vazhdon operacionet ushtarake në Gazë, kundër Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
