Jo vetëm qytetarët e Tiranës, por edhe ata të Durrësit kanë protestuar sot para bashkisë së qytetit, kundër rritjes së çmimeve të hidrokarbureve dhe ushqimeve.
Qytetarët kanë fikur makinat në shenjë proteste duke kërkuar ulje të çmimit të naftës që ka arritur shifra rekord.
“Sot po protestojmë për çmimin e naftës, është diçka që i prek të gjitha shtresat e popullsisë. Ajo që kërkojmë ne të paktën të ulet taksa që ka shteti mbi çmimin e naftës”, tha një qytetar.
“Unë protestoj jo vetëm për çmimin e naftës, por fakti që nafta është rritur do ketë një rritje edhe në çmimet e tjera. Qeveria të përgjysmojë taksat, tarifat dhe TVSH-të që t’ua lehtësojë njerëzve një problem që është global”, shtoi një qytetar tjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
