Referendumi për mbetjet, kërkesa e PD-së hyn në kalendarin trejavor

Konferenca e Kryetarëve ka miratuar kalendarin trejavor, në të cilin është përfshirë edhe kërkesa e PD-së për referendumin për ligjin e mbetjeve.  

Gjithashtu, në mbledhjen e Konferencës së Kryetarëve u vendos edhe zgjatja e afateve për dy komisionet hetimore për CEZ-in.

Demokratët depozituan javën e kaluar në Parlament një kërkesë për referendum, për të cilën kërkuan hedhjen për votim në seancën e së enjtes, por kjo nuk u pranua.

Deputetët demokratë kanë argumentuar se lejimi i importit të grupeve të caktuara të mbetjeve në territorin e Shqipërisë krijon mundësi të qartë të shfrytëzimit të këtij aktiviteti nga grupet kriminale ndërkombëtare të importimit të mbetjeve të rrezikshme.