Avdullah Hoti, kandidadti për kryeministër nga rradhët e Lidhjes Demokratike të Kosovës, thotë se nëse marrin mandatin, brenda vitit do të përmbyllet procesi i liberalizimit të vizave si dhe do të ketë njohje reciproke me Serbinë. Këtë Hoti e shprehu gjatë një takimi në Gjakovë.
“Vendet e BE-së i besojnë qeverisjes së LDK-së si pjesë e Partive Popullore Evropiane. Ne kemi përkrahjen e partive simotra për të përmbyllur me sukses procesin e liberalizimit të vizave gjatë këtij viti. Ne gjithashtu kemi përkrahjen e Shteteve të Bashkuara të Amerikës për të përmbyllur procesin e dialogut me Serbinë, siç tha Presidenti Biden ‘me njohje recirpoke”, tha kryeministri Hoti.
Hoti lavdëroi edhe punën e kryer kur ai ishte kryeministër. Sipas tij, marrëveshja e nënshkruar në Uashington me ish-presidentin e Amerikës Trump do ti sjellë Kosovës fonde me vlerë prej 1 miliardë euro investime.
“Do ta realizojmë ëndrrën shekullore për lidhjen hekurudhore Prishtinë-Durrës. Në programin tonë do t’i kushtohet rëndësi përafrimit të legjislacionit kulturor, si dhe strategjisë për zhvillimin e kulturës në Kosovë, me ato të vendeve anëtare të Bashkimit Evropian”, tha kandidati i LDK-së për kryeministër.
Ai tha se vitin e kaluar kemi nisur realizimin e disa projekte në Gjakovë, të cilat do të vazhdojnë edhe sivjet dhe vitin e ardhshëm.
“Kemi investuar në këto projekte: Ndërrimi i gypave të azbestit – çimentos në qytetin e Gjakovës; Riparimi i rrugës rajonale Istog-Pejë-Deçan-Gjakovë; Zgjerimi i rrugës Dollc – Gjakovë; Ndërtimi i qarkores se Gjakovës; Renovimi i Stadiumit të Qytetit në Gjakovë; Ndërtimi dhe Renovimi i infrastrukturës se Universitetit te Gjakovës”, tha Hoti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
