Me këngën “Fruta Perime”, interpretuar nga Kroni Pula, Shqipëria u rendit në vendin e 6-të në Eurovizionin për Fëmijë, duke sjellë një performancë plot energji, ngjyra dhe një mesazh pozitiv, e cila u prit me duartrokitje nga publiku dhe juritë ndërkombëtare.
E ftuar në programin e mëngjesit “Zgjohu me MCN”, Kroni rrëfeu eksperiencën e saj unike në këtë event të rëndësishëm, si dhe pritjen e ngrohtë që mori nga publiku i të gjitha moshave, pavarësisht se kënga ishte dedikuar për fëmijë.
Eksperienca ishte shumë e bukur, sepse ndodh vetëm një herë në jetë. Në skenë nuk kisha emocione, u ndjeva shumë mirë dhe e sigurt.
Kurse sa i takon performancës në skenën e Pallatit të Kongreseve kishte një domethënie të veçantë.
Kur performova aty, e ndjeva që po këndoja për Shqipërinë. Ishte kënga ime dhe e gjithë Shqipërisë.
Kënga dhe teksti janë realizuar nga Adi Hila.
Pas përfundimit të festivalit, pritja në atdhe ishte shumë e ngrohtë.
Kur u ktheva nga festivali, të gjithë në shkollë më pritën me duar hapur. Më thërrisnin emrin dhe më shikonin me admirim. Shoqet dhe mësuesja ime u gëzuan shumë për suksesin tim.
Në Eurovizion më kanë pritur shumë mirë. Dy vajza nga Polonia kishin ardhur vetëm për të më takuar mua dhe shkëmbyem dhurata.
Qëndrimi i saj zgjati 9 ditë, gjatë të cilave krijoi shoqëri të reja:
Më ka pëlqyer shumë skena dhe shoqëria që krijuam atje. Kemi bërë një grup dhe flasim anglisht me njëri-tjetrin edhe në rrjetet sociale.
Në fund, Kroni ndau edhe një detaj personal.
Jam me origjinë nga Gjakova dhe e lindur në Tiranë. Prindërit e mi janë me prejardhje nga Gjakova dhe vendosën që emrin tim ta vinin Kroni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
