Një stuhi politike ngjalli padia e ministrit të Mbrojtjes së Greqisë, Panos Kammenos ndaj shtatë gazetarëve të gazetës “Phileleftheros” pas raportimit mbi gjendjen në kampet e refugjatëve në Moria në ishullin Lesbos.
Në investigimin e gazetarëve qeveria e Athinës akuzohej për shpërdorim të fondeve të Bashkimit Europian.
Në artikull shkruhej se 1.6 miliard eurot për refugjatët janë keqpërdorur nga zyrtarët e Athinës.
Gazetarët u mbajtën në paraburgim, tre prej tyre u liruan nga gjykata, ndërsa 4 kolegët e tyre akuzohen për shpifje.
Botuesi i gazetës "Phileleftheros", Thanasis Mavridis thumboi kryeministrin e Greqisë, teksa e pyeti a e kishte bërë gjumin i qetë, pasi arrestoi gazetarët.
Për arrestimin e gazetarëve reaguan edhe partitë politike në Athinë.
Referuar mediave greke, botues i gazetës "Phileleftheros", Thanasis Mavridis, drejtori i gazetës Panagiotis Lamsias dhe redaktorja e reportazhit politik Katerina Galanu kanë kaluar natën në paraburgim në komisariatin e Athinës. Ata u paraqitën vetë në Komisariat sapo mësuan për padinë e ngritur nga ministri i Mbrojtjes.
Ministria e Drejtësisë mbështeti plotësisht padinë e ministrit të Mbrojtjes ndaj gazetarëve, duke përforcuar deklaratat se të gjithë janë të barabartë para ligjit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
