Beci: Partia e Berishës të paraqesë provat, mos të bëjë “telef” prokurorët që i ka votuar vetë

I ftuar në emisionin ‘Të Pa ekspozuarit’ në MCN TV, avokati Eugen Beci shtroi pyetjes se përse sot partia e Sali Berishës është duke “sulmuar” prokurorët për vendimin. Sipas Becit, nëse partia do të mbrojë Berishën, ajo duhet të paraqesë provat dhe jo të bëjë “telef” prokurorët.

“Gjyqi penal është një proces që nuk bëhet në konferenca dhe dyer partishë. Nuk mund të diskutohet nëpër panele, pasi kemi vetëm një vendim gjykate. Çfarë ka ndodhur a është privatizuar në mënyrë të ligjshme, a kemi shkelje...këto janë elemente që prokuroria duhet ti provojë. Ende nuk dimë provat që do paraqesë mbrojtja.  

Hera e parë në një vendim penal lexoj që kryeministri shqiptar ka krijuar grupe pune për të ushtruar presion, pyetja është prokuror i dashur si është bërë presioni me grupet e punës?

Nëse partia e zotit Berisha kundështon prokurorinë, atëherë kjo duhet zgjidhur me prova. Ju nuk mund të sulmoni prokurorët, që i keni votuar vetë. Duhet të nxirrni provat..nuk mund të bëhet telef prokurorët për një vendim”