Katër persona janë plagosur në një sulm me thikë pranë ish-zyrave të gazetës satirike “Charlie Hebdo”, në Paris. Sipas raportimeve të para në mediat franceze, dy autorët e sulmit janë aratisur.
Forca të shumta policie janë mbledhur në lagjen në lindje të Parisit, pranë stacionit të metrosë “Richard Lenoir”.
Një zyrtar i policisë tha se oficerët po ndjekin në mënyrë aktive autorët dhe kanë rrethuar zonën duke përfshirë ish-zyrat e “Charlie Hebdo”, pasi një paketë e dyshimtë është lënë aty pranë.
Nuk ka detaje të tjera në lidhje me natyrën e sulmit, por vlen të kujtojmë se në vitin 2015, ekstremistët islamikë sulmuan zyrat e revistës satirike në 2015, duke vrarë 12 persona.
Shkak u bë publikimi në faqen e parë të disa karikaturave të profetit Muhamed.
Disa ditë më parë, në përvjetorin e këtij sulmi, të njëjtat karikatura janë ripublikuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
