Aksident me pasojë katër persona të plagosur është regjistruar mëngjesin e kësaj të diele në qytetin e Pogradecit.
Ngjarja ka ndodhur rreth orës 10:00, në afërsi të fshatit Lin, Pogradec, ku janë përfshirë në një aksident rrugor mjeti tip “Benz”, me drejtues shtetasin I. B. dhe mjeti tip “Volksëagen Golf”, me drejtues shtetasin N. B.
Për pasojë janë dëmtuar 4 shtetas, dy drejtuesit e mjeteve dhe dy pasagjeret e mjetit tip “Volksëagen Golf”, shtetaset L. D dhe K. L, të cilët u dërguan për ndihmë mjekësore në spitalin e Pogradecit.
Dyshohet se shkak i aksidentit është shpejtësia e lartë dhe lagështira në rrugë. Policia dhe grupi hetimor në vendngjarje po punojnë për zbardhjen e shkaqeve të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
