Një i mitur, G.M 17-vjeç, është arrestuar në Tiranë pasi u kap në flagrancë duke transportuar emigrantë të paligjshëm kundrejt pagesës.
Burimet zyrtare bëjnë me dije se në pranga ka rënë dhe një 19-vjeçare G.B, e cila dyshohet se u siguronte mënyra kontakti të miturit, një personi të 3-të të identifikuar me inicialet A.Sh 23-vjeç i cili është shpallur në kërkim, me emigrantët e paligjshëm.
“Shtetasi G. M. është kapur në flagrancë në rrugën “Allaman Dervishi”, Tiranë, duke transportuar me një automjet, të cilin e drejtonte pa lejen përkatëse, emigrantë të paligjshëm, të cilëve iu kishte premtuar kalimin drejt vendeve të BE-së, kundrejt pagesës.
Shtetasja G. B. dyshohet se siguronte lidhjen midis shtetasve G. M., A. Sh. dhe emigrantëve.
Në vijim të veprimeve, gjatë kontrollit të mjetit, u gjet dhe u sekuestrua një sasi me lëndë narkotike kokainë.”, shkruajnë autoritetet.
Materialet proceduriale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
