Dy persona në Lezhë dhe Kurbin janë vënë në prangat e policisë pasi ushtruan dhunë ndaj familjarëve të tyre, si dhe posedonin armë zjarri, municion luftarak dhe lëndë plasëse.
Në Lezhë u arrestua në flagrancë Mark Përdoda, 33 vjeç, banues në Lezhë, pasi dyshohet se ka dhunuar fizikisht dhe psikologjikisht bashkëshorten e vëllait.
Gjatë kontrollit në banesën e tij, u gjetën 5 kallëpe tritoli, një armë zjarri pushkë dhe municion luftarak.
Ndërsa në Kurbin u arrestua në flagrancë Gentjan Koprelli, 48 vjeç, banues në Mamurras, pasi dyshohet se ka ushtruar dhunë psikologjike ndaj babait.
Gjatë kontrollit në banesën e tij, u gjetën të fshehura një armë zjarri automatik, me fishek në fole, dhe municion luftarak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
