Përdorimi i Gjykatës Ndërkombëtare Penale (ICC) kundër Izraelit, i cili po lufton terrorizmin, përbën një rrezik për demokracitë të cilat ndjekin normat e së drejtës ndërkombëtare.
Një deklaratë e tillë u bë nga presidenti izraelit, Isaac Herzog, gjatë një takimi në Tel Aviv me Sekretarin Amerikan të Shtetit, Antony Blinken, raporton gazeta “Times of Israel”.
“U bëj thirrje të gjithë aleatëve dhe miqve tanë që të kundërshtojnë dhe të refuzojnë çdo përpjekje për të shfrytëzuar ICC kundër Izraelit”, tha Herzog duke iu referuar lëshimit të mundshëm të urdhër-arresteve kundër udhëheqësve izraelitë, përfshirë kryeministrin Benjamin Netanyahu.
Gjatë ditëve të fundit, në Izrael janë shfaqur shqetësime lidhur me raportimet se Gjykata Ndërkombëtare Penale po heton operacionet ushtarake izraelite në Rripin e Gazës dhe Bregun Perëndimor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
