Një operacion i policisë së Tiranës i koduar “Cryptocurrency”, ka sekuestruar pajisje për prodhimin e kriptomonedhave, kanabis sativa dhe municion luftarak, duke vënë në pranga një person.
Efektivët e komisariatit nr.2 vunë në pranga S. E., 28 vjeç, banues në rrugën “Frosina Plaku”, Tiranë.
Gjatë kontrollit të ushtruar në banesën e tij në rrugën “Frosina Plaku”, shërbimet e policisë kanë gjetur pajisje për prodhimin e kriptomonedhave dixhitale. Në vijim të kontrollit, në ambiente të ndryshme të banesës, u gjetën dhe u sekuestruan në cilësinë e provës materiale një sasi lënde e dyshuar narkotike e llojit cannabis sativa dhe municion luftarak.
Në cilësinë e provës materiale u sekuestruan pajisje për prodhimin e kriptomonedhave dixhitale, sasi lënde e dyshuar narkotike e kanabis sativa, dy peshore elektronike, municion luftarak, një aparat celular, 191.700 lekë të rinj dhe 90 euro.
Ndaj të ndaluarit materialet iu referuan Prokurorisë së Tiranës, për ndjekje të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
