Policia spanjolle ka arrestuar tre lojtarë të ekipit të të rinjve të Real Madridit, emrat e të cilëve nuk bëhen të ditur, me akuzën e shpërndarjes së një videoje seksuale me një të mitur.
Arrestimet vijnë në një moment të vështirë për futbollin spanjoll mes akuzave për abuzim seksual kundër ish-shefit të federatës së futbollit, Luis Rubiales, i cili puthi në buzë fituesen e Kupës së Botës Jenni Hermoso muajin e kaluar.
Nëna e vajzës raportoi incidentin më 6 shtator, pasi tre lojtarët e ndanë videon në bisedën e ekipit në WhatsApp.
Sipas mediave spanjolle, mund të ketë shumë më shumë lojtarë të përfshirë, duke përfshirë edhe ekipin e parë.
Real Madridi ka lëshuar një deklaratë pas lajmit: “Real Madrid njofton se ka mësuar se një lojtar nga Castilla dhe tre lojtarë nga Real Madrid C kanë bërë një deklaratë për Guardia Civil në lidhje me një ankesë për përhapjen e supozuar të informacionit privat të një videoje në WhatsApp. Kur kompania të ketë njohuri të thelluara për faktet, do të marrë masat e duhura.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
