Dy palestinezë të akuzuar për bashkëpunim me Izraelin janë ekzekutuar në Rripin e Gazës, thotë ministria e brendshme e Hamasit.
Në deklaratë nuk përmenden emrat e viktimave, por vetëm inicialet dhe mosha e tyre, ndërsa thuhet se ata kishin dhënë informacione që kishin çuar në vrasjen e palestinezëve.
Grupet e të drejtave të njeriut kanë dënuar më parë ekzekutime të tilla nga Hamasi, grupi militant që drejton Gazën.
Që nga viti 2007 kur Hamasi vendosi kontrollin mbi Gazën, autoritetet kanë kryer të paktën 27 ekzekutime.
Burime të sigurisë i thanë BBC-së se një nga të ekzekutuarit ishte një polic i Hamasit, i cili përdori armën e tij për të vrarë vjehrrin dhe një vajzë 13-vjeçare pas një mosmarrëveshjeje familjare korrikun e kaluar.
Krimi shkaktoi protesta në zonën Beit Lahia, në veri të Gazës, gjatë së cilës u dogjën shtëpi dhe dyqane.
Izraeli pushtoi Rripin e Gazës gjatë luftës së Lindjes së Mesme të vitit 1967. Në vitin 2005, ajo tërhoqi trupat e saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
