Komisioni Europian ka nisur një hetim të thelluar ndaj Metës për shkeljen e rregullave të Bashkimit Europian të përfshira në Aktin e Shërbimeve Dixhitale për mbrojtjen e të miturve.
Brukseli druan se sistemet e Facebook dhe Instagram, përfshirë algoritmet e tyre, mund të stimulojnë varësinë e sjelljes tek fëmijët dhe të krijojnë efekte të izolimit dhe depresionit të cilat janë të rrezikshme për shëndetin e tyre mendor.
Nën vëzhgim janë edhe metodat e verifikimit të moshës të zbatuara nga gjiganti i rrjeteve sociale.
Siç nënvizoi komisioneri i Bashkimit Europian për Tregun e Brendshëm, Thiery Breton, “Nuk jemi të bindur se Meta ka bërë mjaftueshëm për të përmbushur detyrimet e Aktit të Shërbimeve Dixhitale për të zbutur rreziqet e efekteve negative në shëndetin fizik dhe mendor të të rinjve evropianë në Facebook dhe Instagram”.
Grupi i drejtuar nga Mark Zuckerberg ishte paralajmëruar në muajin nëntor për shkelje kundër mbrojtjes së të miturve, por përgjigjet e tij ndaj kërkesave zyrtare nga Brukseli nuk u konsideruan qetësuese.
Hetimi i BE ka të bëjë, , me respektimin e detyrimeve të Metës në lidhje me vlerësimin dhe zbutjen e rrezikut në hartimin e ndërfaqeve të Facebook dhe Instagram, të cilat mund të shfrytëzojnë dobësitë dhe papërvojën e të miturve dhe të shkaktojnë varësi dhe përforcojnë efektet më të dëmshme në shëndetin mendor.
Brukseli do të vlerësojë gjithashtu përputhshmërinë e kompanisë Menlo Park me kërkesat e nevojshme për të parandaluar fëmijët dhe adoleshentët nga aksesi në përmbajtje të papërshtatshme, veçanërisht mjetet e verifikimit të moshës të cilat dyshohet se mund të mos jenë të arsyeshme, proporcionale dhe efektive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
