Imzot George Frendo, arqipeshkëvi i Tiranë-Durrësit, njëkohësisht president i konferencës Ipeshkvore, është shtruar në spital pasi është infektuar me koronavirus. Lajmi për infektimin e 74-vjeçarit është bërë nga Arqipeshkëvi i Tiranë-Durrësit.
NJOFTIMI
“Ju njoftojmë se SH.T. Imzot George Frendo O.P., Arqipeshkëvi i Tiranë-Durrësit e njekohësisht Presidenti i Konferences Ipeshkvore të Shqipërisë, ka qenë për disa ditë në monitorim mjekësor për shkak se ka rezultuar pozitiv me Covid 19.
Me rakomandimin e mjekëve, në mbrëmjen e ditës së sotshme, është vendosur që Imzot Frendo të shtrohet në Spital, për shkak të disa komplikacioneve respiratore gjatë ditës. Ju kërkojmë lutjet tuaja për Imzot Frendon dhe i urojmë atij shërim sa më të shpejtë.”
Kujtojmë se ditën e djeshme u mësua se dhe kryepeshkopi Anastas Janullatos ishte prekur nga koronavirusi, ndërsa për shkak të moshës ai u transferua me një avion drejt një klinike të specializuar në Athinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
