Anthony Albanese pritet të bëhet kryeministri i ardhshëm i Australisë pasi udhëhoqi Partinë Laburiste drejt fitores së parë të zgjedhjeve në pothuajse një dekadë.
Një nga politikanët më jetëgjatë të vendit, ai u premtoi votuesve “ndryshim të sigurt” ndërsa punonte për të përjashtuar koalicionin Liberal-Nacional, të cilët kanë qenë në pushtet që nga viti 2013.
Aty ku kryeministri i rrëzuar Scott Morrison e konsideron veten një "buldozer", ndërsa Albanese zotohet të jetë një ndërtues.
Pas pandemisë, e cila copëzoi qytetet në Australi si pasojë e bllokimeve të rrepta, nxitja e unitetit është një përparësi kryesore për udhëheqësin e ri.
Kush është Albo?
Albanese ka fituar një reputacion në Australi si mbrojtës i sistemit shëndetësor falas, një avokat i komunitetit LGBT, dhe një tifoz i zjarrtë i regbit.
59-vjeçari me nofkën “Albo” është rritur në banesa sociale nga një nënë pa partner dhe me pension invaliditeti. Ai shpesh e ka përmendur edukimin e tij si bazë për besimet e tij progresiste.
Albanese besonte se babai i tij kishte vdekur para se ai të lindte, por si adoleshent mësoi se nëna e tij në fakt kishte mbetur shtatzënë nga një burrë i martuar, i cili me shumë mundësi ishte ende gjallë.
Tre dekada më vonë ai kërkoi gjurmët e të atit Carlo Albanese, duke fluturuar për në Itali për të takuar për herë të parë babanë dhe gjysmë vëllezërit e tij.
Albanese tha se nëna e tij, Maryanne Ellery, ishte e vendosur për të siguruar që ai të kishte mundësi që ajo kurrë nuk i kishte. Me mbështetjen e saj, ai u bë i pari në familjen e tij që mbaroi shkollën dhe shkoi në universitet.
Ai ka thënë se krijimi i një bote më të mirë për djalin e tij, Nathan, është frymëzimi që qëndron pas jetës së tij publike. Albanese u nda nga gruaja e tij pas 19 vitesh martesë në vitin 2019, por partnerja Jodie Haydon iu bashkua atij gjatë fushatës.
Albanese ka qenë kreu i Partisë Laburiste për tre vjet, duke marrë postin pas humbjes tronditëse në zgjedhjet e paraardhësit Bill Shorten në 2019. Vlen për t’u theksuar se ai ka qenë një ithtar i palëkundur i Laburistëve që kur ishte 20 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
