Presidenti Meta mbylli takimin me Këshillin e Ambasadorëve në vend. Takimi u zhvillua në selinë e Presidencës, i cili për afro 1 orë e 30 minuta.
Ky takim u zhvillua në kuadër të konsultimit të zgjidhjes së krizës kushtetuese dhe politike në vend.
Pas takimit, për mediat foli ish-ministri i Jashtëm, Besnik Mustafaj.
“Ishte një takim realisht i dobishëm, pasi presidenti na njohu edhe me informacione konfidenciale lidhur me krizën që po kalon vendi, në mungesë të Gjykatës Kushtetuese dhe institucioneve të larta të drejtësisë. Ishte një takim i hapur,” tha Mustafaj.
I pyetur në lidhje me çështjen e referendumit, ai tha se ‘si Këshill i Ambasadorëve nuk kemi mendim për referendumin’.
Meta ka zhvilluar ditët e fundit takime me aktorë të ndryshëm politikë dhe jo politikë për të diskutuar për krizën që po kalon vendi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
