Një prej personazheve më të dashur për fëmijët mund të tregojë një anë që nuk ia njihnim. “Frozen – Mbretëria e akullit” pritet të sjellë surpriza. Personazhi kryesor, Elsa, në episodin e ardhshëm mund të pranojë se është lesbike. Lajmin e bën të ditur New York Post, e cila thekson se regjisorja dhe skenaristja Jennifer Lee nuk e përjashton mundësinë e lidhjes së Elsës me një grua tjetër.
Homoseksualiteti nuk është diçka e re për Frozen. Në kohën kur doli filmi, në vitin 2013, nuk ishin pak ata që gjetën nuanca homoseksualiteti te personazhet, madje në “Tuiter” u lançua edhe një fushatë që kërkonte rrëfimin e protagonists në të ardhmen.
“Më pëlqen ajo që thuhet dhe mendohet për filmin”, ka thënë Lee në lidhje me këtë mundësi. “Po krijohet njëfarë dialogu, elsa është një personazh i mrekullueshëm që u flet shumë njerëzve”, thotë ajo, duke shtuar se për episodin do të mbahen parasysh të gjitha argumentet.
Një lëvizje e tillë mund të hapë një debat në publik, për shkak të impaktit që mund të ketë ky ndryshim në një prej filmave më të dashur në të gjithë botën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
