Zelensky ndryshon komandantin e Forcave të Armatosura të Ukrainës

Presidenti ukrainas Volodymyr Zelenskyy ka njoftuar emërimin e Oleksand Syrsky si komandant të ri të përgjithshëm të Forcave të Armatosura.

Deri më tani, Syrsky ishte kreu i forcave tokësore të Ukrainës.

“Emërova gjeneral kolonelin Syrsky komandant të përgjithshëm të Forcave të Armatosura të Ukrainës”, tha Zelensky me anë të një video.

Më herët Zelensky u takua me Valerii Zaluzhny të cilin e falënderoi për shërbimin e tij si komandant i përgjithshëm.

Një zëvendësim i tillë vjen pas zërave për një përçarje midis presidentit dhe gjeneralit Zaluzhnyi, i cili ka udhëhequr luftën e Ukrainës që nga fillimi i konfliktit.

Zelensky tha se komanda e lartë duhej “rinovuar” dhe se gjenerali Zaluzhnyi mund të “mbetej në ekip”.