Policia italiane ka zbuluar detaje të hetimit që çoi sot në pranga 17 pjesëtarë të një bande të trafikimit dhe shpërndarjes së drogës, pjesë e të cilës ishin edhe disa shqiptarë. Operacioni i koduar “Blade” është ndërmarrë pas një hetimi që ka nisur që në vitin 2012 nga policia e Modica-s. në rajonin e Raguzës. Droga mbërrinte nga Shqipëria dhe më pas përpunohej dhe shpërndahej nga pjesëtarët marokenë, tunizianë, italianë dhe shqiptarë të bandës.
Përgjimet telefonike kanë zbardhur mënyrën se si kryehej furnizimi dhe më pas shitja e drogës. Në krye të bandës qëndronte shqiptari Julian hoxhaj, ndërsa Algert Selmani bënte transportin dhe shpërndarjen së bashku me tunizianë dhe marokenë.
Pjesë e grupit ishin edhe disa femra, mes të cilave shqiptarja Erisa Gjonaj, me të cilën bashkëjetonte Hoxhaj apo Martina Chiaramonte, e fejuara e shqiptarit tjetër Xhediljano Selmanaj.
Gjatë përgjimit të bisedave telefonike, policia vuri re se ata përdornin termin “sheqer” ose “CD” për drogën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
