Duke nisur nga e diela e sotme dhe në vijim, e diela e parë e çdo muaji do të jetë ditë pa makina. Një vendim i tillë u mor nga qeveria në kuadër të nismës “Dita pa makina”, e cila ka në fokus kursimin e karburantit por edhe pastrimin e ambientit.
Kjo ka bërë që disa nga akset kryesore në vend dhe kryesisht në Tiranë, të kenë kufizim të qarkullimit nga ora 09:00 deri në orën 15:00.
Në Tiranë do të ketë kufizim qarkullimi bulevardi “Dëshmorët e Kombit” nga Ministria e Brendshme deri në fillim të “Ish- Hotel Dajti”.
Bulevardi “Dëshmorët e Kombit” nga Ura e “ish Hotel Dajtit” deri në kryqëzimin me rrugën “Ismail Qemali”.
Segmenti i rrugës “Myslym Shyri” nga kryqëzimi i Gjykatës së Lartë me drejtim dalje në Bulevardin “Dëshmorët e Kombit”.
Ndërkohë mjetet e emergjencës, Policisë së Shtetit, Shërbimit Publik Urban Qytetas dhe Taxi 4+1 do të jetë i mundur për gjatë gjithë kohës në segmentet e përcaktuara në pikën 1 të këtij vendimi. Për të gjithë automjetet e tjera aksesi do të jetë në rrugët Ibrahim Rugova, Bulevardin Zhan D’Ark. Bulevardin Bajram Curri dhe George.W.Bush.
Qarkullimi në kryqëzimin e rrugës “Myslym Shyri” me rrugën “Ibrahim Rugova” do të jetë i detyruar djathtas.
Ditës pa makina i është bashkuar edhe Lezha, ku është bllokuar lëvizja e automjeteve në bulevardin “Gjergj Fishta” dhe në rrugën “Luigj Gurakuqi”.
Në Fier janë 5 rrugë kryesore që lidhen me qendrën me sheshin “Nene Tereza”, ku do të ketë kufizim qarkullimi nga ora 08.00 deri në 16.00:
-Rruga “Kastriot Muço” - nga kryqëzimi me rrugën “Mujo Ulqinaku” deri në sheshin “Nënë Tereza”.
-Rruga “Rauf Nallbani” - nga Sheshi “Nënë Tereza” deri në kryqëzimin me rrugën “Jakov Milaj”
-Bulevardi “Ramiz Aranitasi” - nga kryqëzimi me Rrugën “Vasil Peçuke” deri te Sheshi Europa.
-Bulevardi “Jakov Xoxa” - nga Sheshi Europa deri në rrethrrotullimin e Sharrës
-Rruga Dervish Hekali - nga kryqëzimi me rrugën “Mujo Ulqinaku” deri në sheshin “Nënë Tereza”.
Në Lushnjë rrugët ku do të aplikohet ky kufizim janë;
-Shëtitorja “Kongresi” nga Banka Raiffeisen deri tek “Sheshi i Qytetarëve”
-Rruga “Misto Mame” nga Gjimnazi “18 Tetori” deri tek kryqezimi “Labëria”.
Në Durrës kufizimi i qarkullimit të automjeteve ka filluar në orën 09:00 dhe do të zgjasë deri në orën 15:00, në segmentet e mëposhtme:
Bulevardi “Dyrrah”; Rruga “Grigor Durrsaku”; Rruga “Aleksandër Goga” nga Mauzoleumi i Dëshmorëve dhe Bulevardi “Epidamn” deri tek Torra Veneciane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
