Gratë e ushtarëve rusë të cilët luftojnë në Ukrainë dolën për të protestuar të shtunën me pankarta përpara selisë së ministrisë së Mbrojtjes ruse për të kërkuar kthimin e tyre në përvjetorin e dytë të mobilizimit të pjesshëm të dekretuar nga presidenti rus Vladimir Putin.
Sipas portalit rus OVD-info, rreth 20 gra u shfaqën para ministrisë së Mbrojtjes me tabela që shkruanin “Demobilizim”.
Menjëherë pranë protestueseve u afruan disa persona të cilët nisën t’i filmojnë me celularë dhe të shajnë.
Udhëheqësja e lëvizjes, Maria Andreyeva, u vendos në listën e agjentëve të huaj pasi organizata e saj mbështeti hapur opozitën jashtëparlamentare dhe refuzoi publikisht të mbështesë rizgjedhjen e Putinit.
Në shtator 2022, presidenti rus thirri 300.000 rezervistë për të luftuar në Ukrainë, megjithëse një nga pikat e dekretit është sekret, gjë që hap derën për një fushatë të re mobilizimi.
Ky mobilizim i pjesshëm shkaktoi eksodin e qindra mijëra rusëve të moshës ushtarake, të cilët emigruan në vende si Kazakistani, Gjeorgjia dhe Armenia, si dhe në vende të tjera evropiane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
