Është arrestuar me kërkesë së Gjykatës së Posaçme kundër Korrupsionit dhe Krimit të Organizuar ish-kreu i Bashkisë Kukës, Safet Gjici. Sipas të dhënave të deritanishme, Gjici është arrestuar pranë shtëpisë së tij dhe akuzohet për korrupsion aktiv e pasiv nga Prokuroria e Posaçme SPAK. Gjici mori vëmendje të lartë mediatike pasi në rrjet qarkulloi një video skandal i tij në zyrat e bashkisë që drejtonte, gjë për të cilën edhe u dorëhoq. Në videon e publikuar të skandalit seksual, Gjici u dëgjua teksa i premtoi një tender për vaksinimin e qenve në Kukës, Alma K. vajzës me të cilën po kryente marrëdhënie seksuale. Merret vesh se ndaj vajzës është shqiptuar masa “Arrest në shtëpi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
