Presidenti i Polonisë Andrzej Duda tha se Rusia po lëviz disa armë bërthamore me rreze të shkurtër veprimi në Bjellorusi.
“Po flisja me Presidentin Sousa për zhvendosjen e armëve taktike bërthamore të Rusisë në territorin e Bjellorusisë”, tha Duda në një konferencë të përbashkët shtypi me presidentin portugez Marcelo Rebelo de Sousa.
“Në të vërtetë, ky proces po ndodh, ne po e shohim. ‘Lëvizja ruse’ ndryshon arkitekturën e sigurisë. Pra, po ndryshon situatën për të gjithë aleancën”, shtoi ai.
Vladimir Putin dhe homologu i tij bjellorus Alexander Lukashenko thanë muajin e kaluar se Moska kishte dërguar tashmë disa nga armët e saj taktike bërthamore në Bjellorusi.
Sekretari i Përgjithshëm i NATO-s, Jens Stoltenberg e denoncoi retorikën e Moskës si të rrezikshme dhe të pamatur, por tha në korrik se aleanca nuk kishte parë asnjë ndryshim në pozicionimin bërthamor të Rusisë.
Armët bërthamore taktike janë të destinuara për përdorim në fushëbetejë dhe kanë një rreze të shkurtër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
