Për herë të parë që nga sulmi i nisur muajin e kaluar nga Turqia kundër kurdëve, rreth shtatëdhjetë refugjatë sirianë, ndër to gra dhe fëmijë, janë kthyer nga Turqia në zona në qendër të operacionit ushtarak në verilindje të Sirisë. Sipas Anadolu, refugjatët u kthyen në Siri pas vitesh në qytetin kufitar Ras al Ayn, nën mbikëqyrjen e ushtrisë së Ankarasë. Presidenti Rexhep Tajip Erdogan ka deklaruar se ai dëshiron të sjellë të paktën 1 milion nga 3.6 milionë sirianët që ndodhen aktualisht në Turqi në zonën e sigurisë turke. Dje, 200 refugjatë mbërritën në të njëjtën zonë për herë të parë në koordinim nga Turqia, por tashmë nga Siria, ku më parë kishin gjetur strehim në Jarablus, një vendndodhje strategjike në perëndim të Eufratit që kaloi nën kontrollin turk.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
