Banorët e zonës së Unazës së Re kanë dalë sërish sot në protestë, pavarësisht se mbrëmjen e kaluar u deklarua nga bashkia se ka nisur zhvendosja e tyre në banesat sociale.
Ditën e djeshme u shembën dy objektet e para. Ndërsa sot ka pasur përplasje mes banorëve dhe efektivëve të Policisë Bashkiake, e cila ndodhet në zonën e Astirit për të garantuar vazhdimin e punimeve.
Fillimisht po bëhet heqja e ndriçimit të rrugës, për te vijuar më tej me shembjen e objekteve brenda vijës që përcakton projekti.
Banorët e Unazës së Re protestojnë prej më shumë se tre javësh. Ata kundërshtojnë shembjen e shtëpive të tyre, që do t’i hapë rrugë zbatimit të projektit që parashikon zgjerimin e rrugës.
Banorët e zonës së Astirit thonë se kanë investuar djersën e një jete të tërë në shtëpitë dhe bizneset që parashikohet të shemben.
Ata kërkojnë dëmshpërblim me vlerën e tregut, por qeveria ka parashikuar për ta vetëm bonus qiraje për një periudhë 3-vjeçare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
