Konfuzion në ceremoninë e ndarjes së çmimeve “Oskar”. Ëarren Beatty-t, iu dorëzua gabimisht zarfi i çmimit për filmin më të mirë për “La La Land”, por në fakt këtë çmim e ka fituar filmi “Moonlight”.
Producentët e “La La Land” kishin filluar me fjalimet e falënderimit, por drejtuesve të mbrëmjes u është dashur ta korrigjojnë gabimin, duke u hequr fjalën.
“Ka fituar “Moonlight”, tha njëri prej tyre, duke shtuar: Nuk është shaka. Ka fituar me të vërtetë”.
Më pas prezantuesi Jimmy Kimmel ka konfirmuar fituesin duke sjellë në skenë zarfin.
“Është faji im, e dija se do ta prishja para se të mbyllej kjo mbrëmje. Ju premtoj që nuk do të kthehem më këtu”.
“La La Land:, muzikali i Damien Chazelle, ka çuar në shtëpi 7 statuja të arta. Ai ishte nominuar në 14 kategori, gjë që do ta fuste në histori nëse i fitonte të gjitha. E megjithatë, në histori ka hyrë gjithsesi për shkak të gafës së madhe të shpalljes së çmimit si filmi më i mirë.
Ai ka fituar çmimin për aktoren më të mirë, fotografinë më të mirë, skenografinë më të mirë, kolonën zanore dhe këngën më të mirë origjinale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
