Zjarri ne lartësitë e Malit të Gjerë ka avancuar ne drejtim te qytetit të Gjirokastrës gjatë mesnatës dhe mëngjesit të sotëm.
Siç njofton korrespondentja e MCN nga Gjirokastra, dhjetëra forca vullnetare dhe nga ushtria, policia e PMNZSH kane shkuar në drejtim të Malit të Gjerë për të shuar zjarrin.
Drejtoria PMZSH Bashkia Gjirokastër në orën 04.30 u nis për të ndërhyre në shuarjen e vatrave të zjarrit që ndodhen ne shpatin e Malit te Gjerë, të cilat po përparonin me shpejtësi drejt qytetit të Gjirokastrës.
11 forca te efektivit zjarrfikës Gjirokastër, 34 forca vullnetare të Bashkisë Gjirokastër dhe 50 forca të ushtrisë po angazhohen në këtë aksion ne shkalle të gjerë.
Situata vijon të konsiderohet kritike.
Kujtojmë se sot është dita e pestë që Dropulli ndodhet në zjarr.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
