Zelanda e Re do të ndalojë rrjetin social kinez TikTok në pajisjet e anëtarëve të Parlamentit, duke u rreshtuar me vendet e tjera perëndimore që kanë miratuar masa të ngjashme.
Ndalimi do të prekë të gjitha pajisjet me akses në rrjetin parlamentar, tha Rafael Gonzalez-Montero, një zyrtar parlamentar.
Ai do të hyjë në fuqi më 31 mars. Sipas Gonzalez-Montero, rreziqet janë "të papranueshme në mjedisin aktual parlamentar të Zelandës së Re. Vendimi u mor në bazë të analizave të ekspertëve tanë, pas një diskutimi me qeverinë tonë dhe kolegët ndërkombëtarë", shtoi ai.
Prandaj, Zelanda e Re do të ndjekë shembullin e Kanadasë, Mbretërisë së Bashkuar dhe agjencive federale në Shtetet e Bashkuara, të cilat tashmë e kanë ndaluar TikTok nga pajisjet qeveritare për shkak të shqetësimeve të sigurisë së të dhënave.
Komisioni Evropian ka urdhëruar gjithashtu ndalimin e aplikacionit për ndarjen e videove nga pajisjet e punonjësve të tij.
Aksioni global kundër TikTok filloi në Indi në vitin 2020. Presidenti aktual i SHBA Joe Biden ka paralajmëruar se do ta ndalojë plotësisht aplikacionin nga territori amerikan nëse nuk ndahet nga ByteDance.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
