Tre ditë pas ngjarjes së ndodhur në aeroportin e Rinasit ku u vra Gilmando Dani dhe mbeti i plagosur miku i tij, punonjësi i Agjencisë së Mbikëqyrjes Policore, Muçi Shaljani (Sheqeri), nuk ka ende asnjë të dyshuar për krimin.
Gazetari Besmir Pula raportoi për edicionin e lajmeve në MCN TV, se policia ka intensifikuar kontrollet në Fushë Krujë, Nikël dhe Kamëz, për të gjetur persona të dyshuar se mund të kenë lidhje me ngjarjen.
Grupi hetimor ka marrë në pyetje 15 persona, miq dhe familjarë të Gilmando Danit, për të mësuar nëse viktima ka pasur konflikte me persona të tjerë.
Policia shqiptare i ka dërguar letë-rporosi autoriteteve spanjolle për itinerarin e lëvizjeve që Gilmando Dani dhe Muçi Sheqeri kanë kryer para se të vinin në aeroportin e Rinasit. Ndërkohë në aeroportin e Rinasit, nuk ka masa të shtuara policie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
