Nëntë trupa civilësh u gjetën në Borodyanka, provincë e Kievit, disa prej tyre me shenja torture. Një lajm i tillë u raportua nga policia e Kievit.
“Këta njerëz u vranë nga pushtuesit rusë dhe disa në trupat e viktimave ka shenja torture”, denoncoi shefi i policisë lokale Andrey Nebytov në Facebook.
Borodyanka ishte skenë e “masakrave të civilëve” në mars, kur forcat ruse pushtuan qytetin.
Në një varr u gjetën dy burra 35 vjeç në krah të një vajze 15-vjeçare. Në një tjetër, policia zbuloi trupat e 6 personave, katër burrave dhe dy grave. Ushtria ruse ka vrarë masivisht civilët që bënë rezistencë ndaj tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
