Ekipet e shpëtimit kanë punuar gjatë gjithë natës në kërkim të personave që u zunë brenda një hoteli në Farindola, në Itali, për shkak të një orteku të nxitur nga tërmeti. Asnjë prej klientëve apo stafit të hotelit nuk është gjetur gjatë natës. Kërkimet kanë vijuar pavarësisht temperaturave të ulëta dhe kushteve të sigurisë shpesh të pamjaftueshme.
Ditën e djeshme nga rrënojat u nxorën dy trupa.
“Është e pabesueshme, shokuese. Nuk kam parë kurrë një gjë të tillë. Shpresat për të gjetur njeri të gjallë janë pak”, ka thënë një prej pjesëtarëve të ekipeve të shpëtimit.
“Kemi bërë gërmime, por deri tani përpara kemi pasur vetëm një mur bore dhe rrënojash”, thotë ai.
Rreth 30 veta dyshohet se kanë qenë në hotel në momentin kur ai u godit nga një masiv bore tri ditë më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
