Nga qyteti i Durrësit, në një takim të organizuar vetëm më pjesëmarrjen e grave, Kryeministri tha se pakti i dha me të vërtetë gjysmën e qeverisë opozitës, por nga ana tjetër, e bën të pamundur që PD të ankohet për rezultatin e zgjedhjeve, që sipas Ramës dihet sesi do të dalë.
“Kjo ishte kënaqësi e madhe sepse vettingu fitoi si rezultat i një marrëveshje që u bë për Shqipërinë. Kur më thonë lëshove shumë se morën shumë ministra, iu them se me ato që fitoi Shqipëria hallall ministrat deri më 25 qershor. I futa në qeveri që më 26 qershor të mos thonë prapë na i vodhët. Pra të pranojnë rezultatin”, tha Rama.
Në takim nuk kanë munguar batutat. Kryeministri është shprehur se nuk ka rrethim më të bukur sesa ky i sotmi.
“Nuk ka rrethim më të bukur, se rrethimi grave. Dhe aq më tepër në një rreth kaq të madh, ku ngado të kthehesh të mbesin sytë. Po i mbaj sytë poshtë”.-tha Rama.
Në fund të fjalës së tij, Kryeministri ka bërë batutë edhe me gjatësinë e kryebashkiakut të Durrësit, Vangjush Dako.
“E kam shumë të nevojshme ta them edhe për ata që e kanë tmerr ta dëgjojnë... Vangjushin!
Vangjushi i acaron ata se është i vogël, mirë ky i madhi po këtë të voglin pse nuk po e shkulim dot thonë ata?!
Duhet që në Durrës të arrijmë objektivin dhe me gjithë këto gra e me gjithë këtë rrezatim, ju duhet vetëm të shkoni e të flisni dhe gjysëm e punës do ta bëjë rrezatimi”, tha Rama duke buzëqeshur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
