Djali i miliarderit të njohur George Soros, Alex Soros, ka publikuar në llogarinë e tij në Instagram një foto ku shihet të ketë dalë me babain e tij dhe kryeministrin e Shqipërisë Edi Rama.
Ky i fundit ndodhej para 3 ditësh në Nju Jork, pasi ka marrë pjesë në Asamblenë e Përgjithshme të OKB. Ishte vetë Rama, që nga atje bashkë me bashkëshorten e tij kishte takuar çiftin presidencial Donald dhe Melanie Trump.
Por mesa duket Rama, ka takuar dhe një nga kundërshtarët më të fortë të presidenti të SHBA-ve, George Soros.
"Gjithmonë kënaqësi të takoj #Kryeministrin#shqiptar#edirama, një burrë i rilindjes i cili është kthyer në simbolin e demokracisë liberale në Shqipëri dhe që është gjithashtu një artist me famë botërore, pa përmendur faktin se ështëi vetmi kryeministër që ka guximin të veshë bluzen e #michaeljordan në takime zyrtare! Pavarësisht se jam një idhtar i Knicks, kam veç respekt", shkruan Alex Soros në "Instagram".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
