Twitter ka lajmëruar punonjësit e kompanisë që të punojnë nga shtëpia me qëllim për të ndihmuar në ndalimin e përhapjes së koronavirusit.
Në një postim të kompanisë në blogun zyrtar, gjiganti i mediave sociale tha se ishte një masë e detyrueshme që stafi në Hong Kong, Japoni dhe në Korenë e Jugut të punonin në distancë.
Kompania po ashtu tha se i “inkurajon fuqishëm” të 5,000 punëtorët e saj në të gjithë botën që të mos shkojnë në punë.
Kompania ndaloi edhe udhëtimet jothelbësore të biznesit.
“Qëllimi ynë është të ulim mundësinë e përhapjes së koronavirusit Covid-19 te ne dhe bota përreth nesh”, tha udhëheqësja e burimeve njerëzore në Twitter, Jennifer Christie.
Njoftimi vjen derisa numri i personave të vdekur nga koronavirusi në të gjithë botën ka kaluar 3,000, ndërsa sëmundja vazhdon të përhapet në Azi, SHBA, Evropë dhe Lindje të Mesme./BBC
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
